പാപങ്ങൾ പെരുകുന്നതിന്റെ മൂലകാരണം ‘ശിർഖ്’! ( ദൈവത്തിന്നു പങ്ക് ചേർക്കൽ)

എന്താണ് ‘ശിർഖ്’ ?

 (ദൈവത്തിന്നു പങ്ക് ചേർക്കൽ)

- സ്രഷ്ടാവായ ദൈവത്തെ ആരാധിക്കുന്നതിനുപകരം മനുഷ്യർ, സൂര്യൻ, ചന്ദ്രൻ, മരങ്ങൾ, മൃഗങ്ങൾ മുതലായ മറ്റ് ജീവികളെ ആരാധിക്കുകയും പ്രാർത്ഥിക്കുകയും ചെയ്യുക 

- വിഗ്രഹങ്ങൾ, ശവകുടീരങ്ങൾ (ദർഗകൾ) അല്ലെങ്കിൽ ഈ ലോകത്തിൽ നിന്ന് അപ്രത്യക്ഷരായ ആളുകളുടെ മറ്റ് സാങ്കൽപ്പിക രൂപങ്ങൾ ആരാധിക്കുകയോ പ്രാർത്ഥിക്കുകയോ ചെയ്യുക 

- ദൈവമല്ലാതെ മറ്റെന്തെങ്കിലിനെയും  ദൈവമായി വിളിക്കുകയും പ്രാർത്ഥിക്കുകയും ചെയ്യുക

പാപങ്ങൾ പെരുകുന്നതിന്റെ മൂലകാരണം ഒരു വിധത്തിൽ പറഞ്ഞാൽ ശിർക്കാണ്: 

പാപങ്ങൾ ഇല്ലാതെ ജീവിക്കണമെങ്കിൽ മനുഷ്യൻ ഏറ്റവും പ്രധാനമായി യാഥാര്‍ത്ഥ ദൈവത്തെ ഭയപ്പെടണം. അതായത്, എന്നെ സൃഷ്ടിച്ചവൻ എന്നെ നിരീക്ഷിക്കുന്നു. ഞാൻ ചെയ്യുന്നതിനെക്കുറിച്ച്  നാളെ ഒരു വിചാരണയുണ്ട്, ഞാൻ പാപം ചെയ്താൽ അവൻ എന്നെ ശിക്ഷിക്കുമെന്ന തോന്നൽ മനുഷ്യനിൽ ഉണ്ടാകണം. അതില്ലെങ്കില്‍ മനുഷ്യൻ യാതൊരു മടിയും കൂടാതെ ഏത് പാപവും ചെയ്യാൻ ധൈര്യപ്പെടുന്നു. ജീവനില്ലാത്ത ചിത്രങ്ങൾ കാണിച്ചുകൊണ്ട് ഇവ ദൈവമാണെന്ന് ചെറുപ്പം മുതലേ പഠിപ്പിച്ചതിന്റെ ഫലം മനുഷ്യനെ ദൈവഭയമില്ലാതെ വിടുന്നു. 

അതിനാൽ, ഈ ശിർക്കുമായി ബന്ധപെടുന്ന പ്രവർത്തനം ഇന്ന് രാജ്യത്ത് കാണുന്ന എല്ലാ പാപങ്ങളുടെയും അരാജകത്വങ്ങളുടെയും മൂലകാരണമോ ഉറവിടമോ ആയി കണക്കാക്കാം. അത്തരം ദൈവഭയമില്ലാത്ത തലമുറകൾ രൂപപ്പെടുമ്പോൾ പാപങ്ങൾ അനിയന്ത്രിതമായി വർദ്ധിക്കുന്നു. 

അന്ധവിശ്വാസങ്ങളും അഴിമതികളും പെരുകുന്നു. 

ശിർക്കിനെ കേന്ദ്രീകരിച്ചാണ് ഏറ്റവും വലിയ അഴിമതി. ആളുകൾ കാണുന്നതെല്ലാം ദൈവമാണെന്ന് വിശ്വസിക്കാൻ പ്രേരിപ്പിക്കുമ്പോൾ, ഇടനിലക്കാർ അതിന് ചുറ്റും രൂപം കൊള്ളുന്നു. 

എന്നിട്ട് അവർ പറയുന്നത് നിയമമാക്കുന്നു. പ്രായശ്ചിത്തത്തിന്റെയും മറ്റും പേരിൽ അവർ ആളുകളെ വഞ്ചിച്ച് വയറു നിറയ്ക്കാൻ മനുഷ്യരുടെ  സമ്പത്തും സമയവും കൊള്ളയടിക്കുന്നു. സ്രഷ്ടാവിനെ ആരാധിക്കാൻ പണം ചെലവഴിക്കേണ്ട ആവശ്യമില്ല. പ്രവാചകൻമാർ അവനെ നേരിട്ട് ആരാധിക്കാൻ പഠിപ്പിച്ചു. നമുക്കും ദൈവത്തിനും ഇടയിൽ ഒരു ബ്രോക്കർമാരുടെയും ആവശ്യമില്ല.  വ്യർത്ഥമായ ആചാരങ്ങൾക്ക് സ്യഷ്ടാവിനും സൃഷ്ടിക്കും ഇടയിൽ ഇടമില്ല. എന്നാൽ സ്രഷ്ടാവിനുപകരം വ്യാജദൈവങ്ങളെ ആരാധിക്കാൻ ശ്രമിക്കുമ്പോൾ ദൈവാരാധന പ്രയാസകരമാകുന്നു. വ്യർത്ഥമായ ആചാരങ്ങളിലും അടഞ്ഞ അന്ധ വിശ്വാസങ്ങളിലും ഇടനിലക്കാരിലും പ്രവേശിക്കുന്നതിലൂടെ അത് ഒരു വലിയ ബിസിനസ്സായി മാറുന്നു. ഇത് ആളുകളെ വശീകരിക്കാനുള്ള ഒരു  മാർഗമായി മാറുന്നു. 

മനുഷ്യരാശിയെ വിഭജിക്കുന്ന മാരകമായ പാപം ആണ് ഒരു തരത്തിൽ ഈ ശിർക്ക് 

ഒരേ ഒരു ദൈവം മാത്രമേയുള്ളൂ എന്നത് എല്ലാ കാലത്തും പഠിപ്പിക്കപ്പെടുന്ന ഒരു തത്വമാണ്. പക്ഷേ, അവർ ആ ഒരു ദൈവത്തെ ഉപേക്ഷിച്ച് ജീവികളെ ആരാധിക്കാൻ പോകുമ്പോൾ, മനുഷ്യവർഗ്ഗവും അവരുടെ ദൈവത്തിന്റെ തത്വമനുസരിച്ച് വിഭജിക്കപ്പെടും. ഉദാഹരണത്തിന്, നമ്മുടെ രാജ്യത്തെ ജാതിവ്യവസ്ഥ നോക്കുക. നമ്മൾ ഏതു ജാതിയിൽ പെട്ടവരായാലും മനുഷ്യരാണ്. എല്ലാം ഒരു രക്തവും ഒരു മാംസവും ഒരു ശരീരവും പോലെയാണെങ്കിലും ഒരു ജാതിയിലുള്ളവർ മറ്റൊരു ജാതിയിലെ ആളുകളുമായി ഇടപഴകുന്നില്ല. സവർണർ, താഴ്ന്ന ജാതിക്കാർ, താഴ്ന്നവർഗക്കാർ, തൊട്ടുകൂടാത്തവർ എന്നിങ്ങനെ നിരവധി ഘടകങ്ങളുണ്ട്! എന്താണ് കാരണം? ഓരോ ജാതിയും തങ്ങൾക്ക് വ്യത്യസ്ത ദൈവങ്ങളുണ്ടെന്ന് വിശ്വസിക്കുന്നു.  ഇവർ മാത്രമല്ല, പട്ടണങ്ങളും അതിർത്തികളും വിഭജിക്കുന്ന രക്ഷാധികാരികളും അതിർത്തി കാവൽക്കാരും മനുഷ്യർ തമ്മിലുള്ള വിഭജനം കൂടുതൽ ശക്തിപ്പെടുത്തുന്നു. 

ഇസ്ലാം പറയുന്നത്, ഈ സാങ്കൽപ്പിക ദൈവങ്ങളെയെല്ലാം വലിച്ചെറിയുക എന്നതാണ്. ഇവ കൊണ്ട് യാതൊരു പ്രയോജനവുമില്ല. നിങ്ങളെയെല്ലാം സൃഷ്ടിക്കുകയും നിലനിർത്തുകയും ചെയ്യുന്ന ഏക ദൈവത്തിലേക്ക് മടങ്ങുക. 

ശിർക്ക് എല്ലാ പാപങ്ങളുടെയും മാതാവാണ്, അതിനാൽ ഈ പാപം ഒരിക്കലും ക്ഷമിക്കാനാവാത്ത വലിയ പാപമാണെന്ന് ദൈവം പറയുന്നു 

ഖുർആൻ ഈ പാപത്തെ ഇങ്ങനെ വിധിക്കുന്നു: 

ഏറ്റവും വലിയ പാപം 

'..... തീർച്ചയായും, ദൈവവുമായി പങ്കാളികളെ കൂട്ടുന്നത് വലിയ പാപമാണ് ...... (ഖുറാൻ 31:13) 

‘തീർച്ചയായും ദൈവം; തന്നോട് മറ്റുള്ളവരെ പങ്ക് ചേർക്കുന്ന വരോട്  ക്ഷമിക്കില്ല. ആർ ദൈവത്തോട് പങ്ക്  ചേർത്തുവോ അവൻ തീർച്ചയായും ഗുരുതരമായ ഒരു കുററ ക്യത്യമാണ് ചമച്ചുണ്ടാക്കിയിരിക്കുന്നത്. ' (ഖുറാൻ 4:48) 

മനുഷ്യരേ, അല്ലാഹു നിങ്ങൾക്ക് നൽകിയ അനുഗ്രഹങ്ങളെക്കുറിച്ച് ചിന്തിക്കുക; ആകാശത്ത് നിന്നും ഭൂമിയിൽ നിന്നും നിങ്ങൾക്ക് ഉപജീവനം നൽകാൻ  അല്ലാഹു അല്ലാതെ ഒരു സ്രഷ്ടാവ് ഉണ്ടോ? അവനല്ലാതെ ഒരു ദൈവവുമില്ല. അങ്ങനെയെങ്കിൽ, നിങ്ങളെ എങ്ങനെയാണ് (ഈ യാഥാർത്ഥ്യത്തിൽ നിന്ന്) പിന്തിരിപ്പിക്കുന്നത്? . (ഖുറാൻ 35: 3) 

(അല്ലാഹു എന്നാൽ ആരാധന അർഹിക്കുന്ന ഏക ദൈവം) 

'അല്ലാഹുവാണ് നിങ്ങളെ സ്യഷ്ടിച്ചത്.  അതിനുശേഷം അവൻ നിങ്ങൾക്ക് ഉപജീവനം നൽകി. പിന്നെ നിങ്ങളെ    അവൻ മരിപ്പിക്കുന്നു. പിന്നീട് നിങ്ങള അവൻ ജീവിപ്പിക്കുകയും ചെയ്യും. അപ്പോൾ അവൻ നിങ്ങളെ ഉയിർത്തെഴുന്നേൽപ്പിക്കും - ഇവയിൽ എന്തെങ്കിലും ഒന്ന് ചെയ്യാൻ കഴിയുന്ന ആരെങ്കിലും ഉണ്ടോ നിങ്ങൾ പങ്കാളിയാക്കിയവരുടെ കൂട്ടത്തിൽ?  അല്ലാഹു ഏറ്റവും പരിശുദ്ധനാണ്;  അവർ പങ്കു ചേർക്കന്നതിനെല്ലാം അവൻ അതീതനായിരിക്കുന്നു' . (ഖുറാൻ 30:40)

"അല്ലാഹുവിനു പുറമെ നിങ്ങൾ വിളിച്ചു പ്രാർഥിക്കുന്നതിനെ പറ്റി നിങ്ങൾ ചിന്തിച്ചു നോക്കിയിറ്റുണ്ടോ?   ഭൂമിയിൽ അവർ എന്താണ് സൃഷ്ടിച്ചിട്ടു ള്ള തെന്ന് നിങ്ങൾ എനിക്ക് കാണിച്ചു തരൂ. അതല്ല ആകാശങ്ങളുടെ  സൃഷ്ടിയിൽ വല്ല പങ്കും അവർക്കുണ്ടോ ? നിങ്ങൾ സത്യവാൻമാരാണെങ്കിൽ ഇതിനു മുമ്പുളള ഏതെങ്കിലും വേത ഗ്രന്ഥമോ, അതിന്റെ വല്ല അംശമോ എനിക്ക് കൊണ്ടു വന്നു തരൂ.'  (ഖുറാൻ: 46: 4) 

' മനുഷ്യരേ, ഒരു ഉതാഹരണമിതാ  വിവരിക്കപ്പെടുന്നു. നിങ്ങൾ അത് ശ്രദ്ദിച്ചൂ കേൾക്കുക. തീർചയായും അല്ലാഹുവിനു പുറമെ നിങ്ങൾ വിളിച്ചു പ്രാർത്ഥിക്കുന്ന വർ ഒരു ഈച്ചയെപ്പോലും സൃഷ്ടിക്കുകയില്ല. അതിന്നായി അവരെല്ലാവരും ഒത്തു ചേർന്നാൽ പോലും .

ഈച്ച അവരുടെ പക്കൽ നിന്ന് വല്ലതും തട്ടിയെടുത്താൽ അതിന്റെ പക്കൽ നിന്ന് മോചിപ്പിക്കാനും അവർക്ക് കഴിയില്ല. അപേക്ഷിക്കുന്നവനും അപേക്ഷിക്കപ്പെട്ടുന്നവനും ദുർബലർ തന്നെ.' (ഖുറാൻ 22:73)

-----------------------------------------------------